Книги автора: Данил Николаевич Макеев

Бу дьоҕус кинигэҕэ ааптар дьон бэйэ-бэйэтигэр уустук сыһыанын cэргэ киһи барахсан дьылҕата сап саҕаттан да тосту уларыйарын көрдөрөр, эдэр да, саастаах да ааҕааччыны толкуйдатар тэттик кэпсээннэрэ киирдилэр. Ону таһынан детектив жанрынан суруллубут айымньылар ааҕааччыны сэҥээрдиэхтэрэ.

Кинигэҕэ тугу барытын билиэн-көрүөн баҕалаах Саанчык уол сайыҥҥы сынньалаҥ кэмигэр араас быһылааннарга түбэһэр, ол эрээри кини бу сайыны бэрт көдьүүстээхтик атаарар. Кэпсээннэргэ ааптар оҕо уйулҕатын уонна айылҕаны хоһуйуулара бэркэ табыллыбыттар. Орто саастаах оскуола оҕотугар ананар.

Биллэр суруналыыс, суруйааччы Данил Макеев «Таҥнарыахсыт» диэн сэһэнигэр Аҕа дойдуну көмүскүүр Улуу сэрии кэмигэр буруйа суоҕар буруйданан штрафной ротаҕа түбэспит саха саллаатын туһунан умсугутуулаахтык кэпсэнэр. Оттон «Ини-биилэр» диэн айымньыга үс бырааттыылар сэрии эрэйин-муҥун ааһан, саха киһитигэр үтүө аата, чиэһэ туохтааҕар да күндүтүн туһунан суруллар. Ону таһынан ааптар ааҕааччыны толкуйдатар кэрэхсэбиллээх кэпсээннэрэ киирдилэр.